یورغون

X

یورغون

سوزون قايماغي؛ سازين شيره سي

	ورزش سیاسی و سیاست غیر ورزشی
بسمه تعالي ورزش سياسي و سياست غير ورزشي وقتي پس از يك حضور خفت بار، سر افكنده از المپيك پكن برگشتيم، دولتمردان براي جبران غرور جريحه دار شده اين ملت در كوچه پس كوچه هاي بهارستان خود را به آب و آتش مي زدند كه دلايل ناكامي تيم ورزشي ايران بايد هر چه سريعتر بررسي و بطور شفاف در اختيار نمايندگان و عموم مردم قرار گيرد. دلايلي كه هرگز نه بطور شفاف و نه بطور غير شفاف اعلام نشد. از آنجا كه افكار عمومي ‌‌‌‌‌‍‌در اين كشور حافظه ندارد همه چيز سريعا به بوته فراموشي سپرده شد و رئيس تربيت بدني و كليه مديران زيردست سربلند از انجام وظيفه براي امت اسلامي پر نشاط تر از قبل در امر تدوين آمار و ارقام و تقديرنامه و تشكر نامه همت كردند. امروز هم تيم ملي فوتبال كشورمان با كليه لژيونرها و ستاره ها و فوق ستاره ها يش در برابر تيم ملي كره شمالي نتيچه نگرفت. تنها سوالي كه در جريان تماشاي بازي ضعيف تيم ملي ذهنم را مشغول كرده بود اين بود كه حالا كه علي دايي اخراج شده باز چرا اين تيم نتيجه نمي گيرد؟ مگر مشكل بزرگ و حاد جامعه فوتبال و ورزش و رسانه و مطبوعات و بلكه كل كشور علي دايي نبود؟ مگر براي نجات اين فوتبال رئيس جمهور محترم و هيات دولت و وزرا و وكلا جميعا دست بكار نشده بودند؟ چطور است افشين قطبي و مهدوي كيا و كريمي و خلعت بري و هاشميان و بقيه را هم اخراج كنيم كه نمي توانند ببرند؟ شايد هم مشكل علي كريمي است كه خيلي دير به داد تيم ملي رسيد؟ شايد هم مشكل آقاي مايلي كهن است كه چپ و راست بيانيه صادر كرد؟ شايد مشكل افشين قطبي است كه زود زود به دبي مي رود؟ شايد مشكل تيم ملي چين است كه براي ارتقاي روحيه به ما نباخت؟ شايد هم مشكل عدم توجه جدي به هوگو چاوز و سريلانكا و رابرت موگابه و امريكاي لاتين و البرادعي و ملوانان انگليسي و استكبار جهاني است؟ شايد هم مشكل نامزد شدن ميرحسين موسوي و حومه در انتخابات رياست جمهوري است؟واقعا اشكال كار كجاست؟ وقتي يك مقوله كاملا سياسي مثل ورزش توسط يك تيم كاملا سياسي و با نگاه كاملا سياسي و امنيتي اداره مي شود آيا انتظار پيروزي در ميادين ورزشي يك خيالپردازي و بلندپروازي محض نيست؟ راستي ياد سريال جومونگ افتادم و مثلي كه وزير اعظم ديروز به پسر امپراطور زد: يك موش كوچك از يك رودخانه بزرگ به اندازه شكمش آب مي خورد، يعني: يك مدير ضعيف از يك پتاسيل عظيم به اندازه توانايي هايش بهره مي برد. ( اميدوارم يك مزاح بعنوان سيصد وبيست هزار و يكمين اهانت به دولت معجزه محور در تاريخ پر افتخار ثبت نگردد.)
+ نوشته شده در شنبه شانزدهم خرداد 1388ساعت 16:9 توسط فرمان فرضی مولان \|

	یاشدی دئییرسن
ائله دوزوملو یه م آغری آجی یا اوره ییم دمیر دی داشدی دئییرسن دوزوره م دینمیرم درده یارایا گونلریم آنلاریم خوشدو دئییرسن بیر یورغون یولچویام گزدیگیم هدر دایانیب دورموشام سن منده ن بتر دئییرم تلسمه بو گون ده کئچر تله سن عومور دو یاشدی دئییرسن
+ نوشته شده در پنجشنبه سی و یکم اردیبهشت 1388ساعت 2:24 توسط فرمان فرضی مولان

	تپ تزه بیر غزل
یاندیردی عشقین جانیمی تدبیر قیل تدبیر قیل زولفونله رام ائت کونلومو زنجیر قیل زنجیر قیل محراب قاشین مسجد گوزون کیپریک مصلی لر صفی خالین موذن دیر دئنن تکبیر قیل تکبیر قیل صوم و صلاتیندان کئچیب حوسن ایختیار ائتمیش کونول یارب گئدیر الدن دینیم تقدیر قیل تقدیر قیل آیات حق دیر مو به مو اول کفر زولفوندن گلن ای شانه بیر بیر صبر ایله تفسیر قیل تفسیر قیل قوی سینه م اولسون لوح عشق ائت تیر موژگانین قلم کاتیب اورل قانیله گل تقریر قیل تقریر قیل مست اولموشام کئفلنمیشم یوخ آللاهیم یوخ مذهبیم داشلا منی چک چارمیخا تکفیر قیل تکفیر قیل ۱/۲/۱۳۸۸ تبریز
+ نوشته شده در پنجشنبه سوم اردیبهشت 1388ساعت 20:19 توسط فرمان فرضی مولان \|

	من ده غزلسیزله میشم
منده غزلسيزله ميشه م كيپريگين اكديگي باغريم يئري قانقال بيتيرير سئوگي خرمنگاهي دير بيرده گوزلسيزله ميشه م داش اوره كلرده قورولموشسا منيم سئوگي قالام اودا لاخلير اياق آلتيندا تملسيزله ميشه م باخيرام هر ائوه بير چارچيوا قاش گئت توكولور بو تانيش سيز كوچه لرده نئجه گلسيزله ميشه م دردو غم قيرتليغي دير دوز بو غزلسيزليگيمه گوزليم منده نه مدت دي غزلسيزله ميشه م 10/6/79 مولان
+ نوشته شده در پنجشنبه هفدهم بهمن 1387ساعت 8:36 توسط فرمان فرضی مولان \|

	سنسیزله ییره م
سنسيزله ييره م قيشين آغ كوركونه بير سيلسيله قان دامجي لاييب اووچو قاچميشسادا من قار چيچه گين ايزله ييره م بو گونون بوش سوووشان آنلارينا سويكه نه ره ك صاباحين قان دولو نيكبت گونشين گوزله ييره م اولو تاريخ ديري نسلين اوزونه نيفرت ائدير باشقا سوز تاپماييب آنجاق اوزومو گيزله ييره م بو گونون آل قفسينده ن قيريرام عشق كوكون گئديره م كئچميشيمه اوندا دا سنسيزله ييره م 15/6/79 تبريز
+ نوشته شده در شنبه بیست و یکم دی 1387ساعت 16:44 توسط فرمان فرضی مولان \|


دلي جه سينه قضانين تقديرين قيرميشام ايپين اوزوم ياراتديقيم گونو ياشيرام ديله كده ن اوره گه جمالدان جانا كومور آپاريرام اوجاق داشيرام نامحرم عشقه ياد بير سئوگي يه اويدوقجان داها دا حالال لاشيرام سن اي مسلك آدلي قبيرده ياتان اويان اوره گيمين مجنون سه سينه سيزقا آرخ دئييله م كردي دولانام دلي يه م دولويام دنيزجه سينه - تانيري ني بويودوب قورخوتما مني تانري بير چيچه كدير اليمده منيم ايسته سه م قيزينار اوره گيم ايچره كول اولار آهيمدا كولومده منيم ايسته سه م اوتورار به بكلريمده بوغولار چاييمدا سئليمده منيم آز كوهنه بير سوزون باشينا دولان گل منده كونول وئر حق جيلوه سينه ديري يه م دورويام بير تانري كيمي دلي يه م دولويام دنيزجه سينه - دايانيب دوراندان اوره ك سه سينه منده بو خيلقتين بير آللاهي يام منيم له جان دورور دنيز اوينايير من بو يارانيشين يانان آهي يام نينيره م قول اولوم هر گول اوزلويه اونسوز دا دونيامين پاديشاهي يام اوره گيم دويونور معجزه كيمي سينادير منادير منده كي سينه ايچه ريم بوش دئييل بير كاسا كيمي دلي يه م دولويام دنيزجه سينه 9/1/82 تهران
+ نوشته شده در یکشنبه پانزدهم دی 1387ساعت 9:45 توسط فرمان فرضی مولان \|

	بير نئچه خاطيره لي شكيل لر
افسونكار بارماقلاريلا اوتوز ايلدير كي ائويمي ييخيب. عدالتين سينه سينده ساز اولماياندا ائله بيليرسن جانينين بير قيسمتي يوخدور. ائله بيل گوزو يوخدور قولاغي يوخدور. عدالت من جه آشيق موسيقي سينين تكرار اولماز نابيغه سي دير. سازين عدالت سه سي دير عدالت نصيب اوف. ساغدان: اوستاد عباس اسلامي "بارز" ين سون بئشيك اوغلو قيام اسلامي كي تبريز بيلي يوردوندا شيمي بيتيريب. يورغون، چوخ سئوديگيم شاعير دوستوم خسروشاهي "خسرو"، جناب محمدي ... ساغدان: بويوك فضولي شناس اوستاد هريسي نژاد، اوستاد نجار اوغلو و يورغون. ساغدان: چوخ سئويملي دوستوم بويوك شاعير و ديلچي اوستاد محمدعلي نهاوندي"موغان"، اوستاد عباس اسلامي "بارز"، اوستاد بارزين اوغلو و يورغون. بير زامان هفته ليك شئعير مجليس لريميز اولاردي. بو شكيل او گونلرده ن ياريگاردي. بو شكيل ده اوستاد موغان، رسول روفه گر، دكتر محمد حريري اكبري، اوستاد بهروز ديباذر، موغام خواننده سي اكبر ستاري و مني گوره بيلرسيز. ۷۹نجي ايلين قيشي دير. كيرماندا موسيقي فئستيواليندا گواشير آديندا بير هتل ده ييك. اوختاي شادي سئه گاه چالير. او سئه گاهين سه سي هله ده قولاقيمدا دير. بوردا گوردوگونوز گنج لر ايندي آرتيق اكه كيشي اولوب لار. عزيز شاعير دوستلاريم ستار دادخواه، علي عباسي "زمرود"، مسعود سارابلي، حبيب بنيادي، مجتبي اسكويي ارسي، كاظيم غفاري و من
+ نوشته شده در سه شنبه دهم دی 1387ساعت 12:27 توسط فرمان فرضی مولان \|

	من و عاليم قاسيم اوف
۱۳۷۹ نجي ايلده تبريز ده گوزل بير حاديثه باش وئردي. تهران دا اوستاد چنگيز مهدي پورون ائوينده قوناقيديم كي ياخين دوستوم خسرو سرتيپي زنگ ائله دي و دونيا شهرتلي موغام اوستاسي عاليم قاسيم اوفون تبريزده كانسئرتينين باش توتاجاغيني خبر وئردي. اون گون شه هر دالغالاندي. چالخالاندي و ياددان چيخمايان موغام گئجه لري قيد اولوندو. عاليم له منيم دوستلوغوم او گونده ن باشلاندي و بو گونه قدر شوكور لر اولسون كي هله داوام سورور. عاليمين دلي لري ده اوزو كيمي سئومه لي دير. موسيقي چي دوستلاريم يقين مالك ين نه قدر مهارتلي تار ايفاچي سي اولدوغونو بيليرلر. آنجاق سيزي اينانديريرام كي مالك هونري كيمي ده يوكسه ك شخصيتي وار بودا مالك له منيم بير دوزلو شكيليم: بيليرسيز كي آذربايجان ناغارا صنعتينين بوگون ذيروه سينده دايانان ناطيق شيرين اوف دا عاليمين گوروپوندا چاليشير. هم ده كلي ناطيق آذربايجان آشيق موسيقي سينين بويوك داهي سي اولان ده ده شمشيرين ده قيز نوه سي دير. آشاغادا ناطيق له منيم بير شكيليمي گورورسوز: بودا رئوف بي. عاليمين گوروپونون گوزل كامان اوستاسي عاليم دئميش كن فقير بختورم لا ابالي يم مستم جهان كيمين سه قوي اولسون من اوندا سرمستم.
+ نوشته شده در سه شنبه دهم دی 1387ساعت 11:54 توسط فرمان فرضی مولان \|

	سئوگي موسيقي گوروپو
سئوگی موسیقی گروپو ۱۳۸۱ نجی ایلده یاراندی. بو گروپون ایلک تمل داشینی قویانلار یاشار حسینی(قاوال و ناغارا)، ناصر هادي(قوپوز)، آشيق علي عبادي قاراخانلي(اخويان)، عبدالعلي عبادي قاراخانلي(بالابان)، محمد عبادي"آليشيق" و فرمان فرضي مولان "يورغون" ون يونتمن ليگي ايله ياراندي. سوزسوز كي دالغا موسيقي گروپونون و اونون رهبري چنگيز مهدي پورون تاثيري بو گروپون قورولماسيندا اونودولمازدير. گوروپ ياراناندان سونرا بير نئچه اوغورلو چيخيش لاري ايله قارشي لاندي او جومله دن ايرانين بيرينجي تلويزيا كانالي و جام جم آدينا بين الخالق كاناليندا چيخيشي ياددا قالان اولدو. منه بئله گلير كي هله سئوگي موسيقي گوروپونون و آذربايجان آشيق موسيقي و ادبياتينين بويوك و گوزل گونلري قاباقدادي.
+ نوشته شده در سه شنبه دهم دی 1387ساعت 11:34 توسط فرمان فرضی مولان \|

	یانیق کرمی
اوستاد چنگیز مهدی پور و یورغون يانيق كرم ال اته يه چوره چوپه ايله آيا گوز يومورام ساحات دورور زامان قالير تكرار اولور يالنيز بير آن سونسوز اولان بير فضا دير بير من وارام بير ده سازيم من تانري ني آختاريرام جانيم يانير گوزوم جومور فضا بويدا يئنه چولده ياغيش ياغير من چاليرام يانيق كرم - من گزديگيم بو فضا يه اوجاليب مي كيمسه گوره ن؟ تانري سه سي اوفولدايير كوله ك دوروب سه س دايانيب نور سنين له ده ييشيلير نه دنيز وار نه شلاله نه داغ نه باغ نه گول نه قار آلدانماقا هئيچ گوزه لليك ديكه لمه ييب گوز اونونه بير قارانليق سونسوز فضا بيرده سوسوز بيراوره كدي نه قاپي وار تاققيلداديب او هاردادي سوروشاسان نه تورپاق وار ايزي دوشه نه مكان وار آختاراسان نه زامان وار گزديگيني ايپه دوزه هئچ زاد يوخدور سونسوز اولان بير فضا دير سانكي تانري دير هونكورور دئييرسن بس يانيق كرم زمان ايچره، مكان ايچره داردا قالان اوزون اينتظاردا قالان سئوگي سينده ن، سئوداسيندان، آللاهيندان آيري دوشموش بشرين مرثيه سي دير اينسانين اوخشاماسي دير يانيق كرم بلكه منيم تانريمين آغلاماسي دير يانيق كرم خلقتين اينتهاسي دير يانيق كرم خلقتين ابتداسي دير يئنه يئر گوي سه سه گليب ياندي كرم ياندي كرم يئنه يئر گوي اوفولدايير گوي كيشنه يير بولود آغلير ني مه له يير تار گوينه يير قوپوز دئيير بودا مني، دوي مني كرم دئيير اوزان كيمي دوي مني تئل يانديرير سئحيرلنميش دويمه ني بو خيلقتده گوناها باخ آي آللاه قوپوز يانير، گوز آغلايير سئل گلير كرم يانير اللريمده كول گلير ناكام بير توي گوروشونه ائل گلير آچيلمايان صاباحا باخ آي آللاه قوپوز يانير، كامان يانير، تار يانير ناله سيني دينله مه ميش كار يانير ارزرومدا له له لنميش قار يانير اود اله يه ن پناها باخ آي آللاه بوردا يانان بير خلقتين كولودور بوردا يانان بير تانري نين الي دير بو كرم دير، سئوگي نين تملي دير كوله دونه ن آللاها باخ آي آللاه يانير كرم يانير له له يانير دنيز يانير بولاق يانير پاليد آغاجلاري يانير كوتان يانير اينك يانير آلما يانير هيوا يئنه داغلار پارچالانير داش يئري يير قايا اوچور آخير خلقت داماريندا كرم كولو، آخير خلقت اوجاقيندا كرم قاني كووره لميشه م دلي دلي يئنه چولده ياغيش ياغير من چاليرام يانيق كرم - ديكسينيره م تامسينماميش آللاهيمين حرارتين دانيشماميش اينسان آدلي باراسيندان دانيشماميش اوره گيمين ياراسيندان آغري سيندان آجي سيندان بشر سايدا دمير سايدا لكه سينده ن دانيشماميش بو دونيانين گونش بويدا قاراسيندان دانيشماميش عاشقليقين داردا قالميش ساراسيندان بو دونيانين هاراسيندان هاراسيندان ديكسينيره م دانيشماميش كووره كليگين قارا باتميش له له سينده ن آشيقلارين شاعيرلرين دردلي لرين دلي لرين آللاه آدلي شه له سينده ن ديكسينيره م كام آلماميش تنهاليقين آللاه ليقين فضاسيندان گوز آچيرام كوهنه دونيا ياشيل آغاج الوان چيچه ك واخت اويانير ساحات ايشلير اوره ك ياتير يئنه چولده ياغيش ياغير من چالميرام يانيق كرم گوز آغرييير كيپريك قالخير آغير آغير گره ك چيخام ائلي گزه م چولو گزه م مني يئنه تانري بوغور عادي فلك اللرينده يئر فيرلانير گونش دوغور من باخيرام پنجره ده ن يئنه چولده ياغيش ياغير 7/2/82 تبريز
+ نوشته شده در شنبه هفتم دی 1387ساعت 15:44 توسط فرمان فرضی مولان \|