ائله بير زاماندا ياشاييرام كي

آغلاماق ثواب سا گولمه ك گوناهدير

خيففت له ذيللت له ياشاماق غورور

جورئت له غيرت له اولمه ك گوناهدير

موعاهيده اولور قانونا كئچير

گوناه گاهدان دونور شاهلار تاجينا

ياشاماق عشقي لا ويرنيخانلاري

دال با دال ميخلايير دار آغاجينا

چينار يارپاقيندا بويلانير سويود

سن بير يارپاغيندا اسديره نميرسن

ايستبداد گون به گون قول بوداق آتير

سن بير بوداغيندا كسديره نميرسن

دربه در دوشركن خانيمانيمدان

ائششك پالانيندا دالدالانميشام

گاهدا سنين دئييل بو پالان دئيه

دويورلر سويورلر هر سحر آخشام

خانيميم اوشاقيم قورخماسين دئيه

هر آغاج يئنديكجه چپي چاليرام

قيزيم تهليكه سيز بويوسون دئيه

هرگون مانات كيمي خيردالانيرام

اوجاليق سئومه يه ن ارباب نامينه

يئنيب دره لرده آلچالميشام من

خانليق قارغاسيني لئش اوسته گوروب

بعضا قارتال دئيه ال چالميشام من

گوناهيم چوخ چوخ دور نئچه سين ساييم

بلكه دوستاقچي نين اوزو آغ اولسون

قوي جانيم چوروسون دمير قفس ده

قانون يازانلارين باشي ساغ اولسون

ائله يه بيلرديم يارانمايام من

حال كي يارانميشام اوز گوناهيمدي

ائله يه بيلرديم هئچ نه دئمه يه م

دينميشه م دئميشه م سوز گوناهيمدي

بئله بير خيففت له ياشايانلارين

اولمه يي گوناهدير قالماقي گوناه

كيم دير گوناه سوزون يوزان حوكمدار

بيلمه يي گوناه دير قانماقي گوناه

۱۷/۹/۸۷ تبريز

آخشامدا غريب دير

(آخشامدا غريبدير من ده غريبم

نه لر اوره گيمده ن كئچدي داريخديم)

"بهمن وطن اوغلو"

اومودسوز گومان سيز يول سوز يولاق سيز

كئچير قارا قارا گونلريم بئله

آهيمدان بويلانير بير سكوت شئعير

گوزوم ده ن داشلانير ساز گيله گيله

باشيما گله جه ك نه بيليم نه له ر

من اولينده يه م بو يولون هله

بوران قامچي سي ني قار كوته ييني

آتايديم يوللاردا قدم به قدم

سيزلانا بيله ييديم يوللار اوزونو

"آخشامدا غريب دير منده غريبم"

نه آنا نه باجي نه يول يولداشي

آغري ني كيم ايله بولوشمه گ اولمور

نيسگيل يئرين ساليب قاريج به قاريج

بير آندا يايينيب گولوشمه گ اولمور

دونه ن گئت گئت دئيير صاباح قول آچير

بوگونون كولونا ايليشمه گ اولمور

بو يئرده بير سالخيم يول يولچوسويام

تاني يا بيلمزكي مني بو عالم

سن كي تاني ييرسان آي داش اوره كليم

"آخشامدا غريب دير منده غريبم"

سينه ده ن سينه يه عصيرده ن عصره

داستاندا صوحبتده اوخونورام من

اريشيم قلم دير آرغاجيم قوپوز

كوهنه تاريخ كيمي توخونورام من

درين فضا كيمين اميره م نورو

نارين ياغيش كيمي قوخونورام من

آشيق اوخويوردو ياديندامي سن

دئدين كيم اولانماز "غريب" "شاه صنم"

ايندي ده دئييره م اوندا دا دئديم

"آخشامدا غريب دير منده غريبم"

دونيا يا كيم مينير كيم مينيك وئرير

شله كئش دوغوبدور بيزي آناميز

اوره كده گله جه ك كوره كده كئچميش

حيات يوللاريندا يالقيزيق يالقيز

بلكه ياز داغلارين او اوزونده دير

آنجاق هاوا هله آليزدير آليز

بو گون كيم اولموشام صاباح كيم اولام

فيكرين ائله ينده آليشير سينه م

يئنه كووره لميشه م يالقيزجاسينا

"آخشامدا غريب دير منده غريبم"

13/3/79 سيه رود

كيپريگين اكديگي باغريم يئري قانقال بيتيرير

سئوگي خرمنگاهي دير بيرده گوزلسيزله ميشه م

داش اوره كلرده قورولموشسا منيم سئوگي قالام

اودا لاخلير اياق آلتيندا تملسيزله ميشه م

باخيرام هر ائوه بير چارچيوا قاش گئت توكولور

بو تانيش سيز كوچه لرده نئجه گلسيزله ميشه م

دردو غم قيرتليغي دير دوز بو غزلسيزليگيمه

گوزليم منده نه مدت دي غزلسيزله ميشه م

10/6/79 مولان

منه قانیق وئرمز بوگون پیاله

بو آخشام قیسمتیم کوپه ده ن گلیر

باخما عشقین تبی دیرناقدان چیخیر

بو بیر الو دور کی تپه ده ن گلیر

منی چیچه کلرین شیره سینده گز

قاپینا چیچه ک له گله بیلمه سه م

خیلقتین روحوندا دیری بیل منی

سنین قوجاقیندا اوله بیلمه سه م

روحومدا حقیقی بیر اولمزلیک وار

باشیم بو دونیادا چکسه ده نه لر

"مولان" داغلاریندا بیر چیچه گ آرتار

هر زامان "یورغونون" اولوب دئسه لر

ساقی دولدور قوی منی مئی مست و مدهوش ائیله سین

دولدو قوی جان دورد ایله دردی هم آغوش ایله سین

کیم غم عشق ایچره اولدو دردی معلوم اولمادی

کیمسه جاندان باشقا بیر زاد وئردی معلوم اولمادی

میضراب میضراب قاپیمی دوی

قوپوز قوپوز کونلومو آچ

قوشما قوشما چیچه گیمده ن

غزل غزل چمنیمده ن

کیتاب کیتاب دسته باغلا

ای ترک عالم را روا ای ملک بی همتا مگر

ترکی که دل را اینچنین ویران و غارت می کنی

عمری عبادت کرده ام در برزخ مو و میان

که اکنون اقامت می شود قامت قیامت می کنی

دیریست می سوزم زغم عمریست می گریم چو شمع

آن عقل دور اندیش کو می گفت عادت می کنی

صد ره گنه کردم مگر خشمت نصیب دل شود

افسوس کز باب کرم صدباره رحمت می کنی

۱/۴/۸۷ تبریز

صدای بال کدامین فرشته ای ای شوخ

که این طریقه کمر بسته ای به گوشمالی ما

غبار غمزه چشمش غرور دیده ماست

ببین که تا به کجا می رسد تعالی ما

چو هستم این دل شکسته ام به دست آور

که ناگهان بکشی درد جای خالی ما

۳۱/۳/۸۷ تهران

باغلانین قارشیمدا ای جنت دولو تصویر لر

محو اولون فیکریمدن ای حیکمت دولو تدبیرلر

کئچن گونلر یادا دوشدو آ دوستوم

خاطیره لر گوزلریمده یاش اولدو

نئجه قیدین او سئوگی یه آی ظالیم

نئجه قلبین داشا دوندو داش اولدو

هانکی دین ائدیبدیر سنی بخته ور؟

سویله دی مذهبیم اکینچی لیک دیر

دونیادا هامی اوز اکدیگین بیچر.

حیدر عباسی "باریشماز"

تاکسی دا اتورموشدوم. منده ن باشقا اوچ نفر ده اوتورموشدو. اوتورانلارین بیرینین آدی "پاپیر" ایدی . پاپیر بیر آز دلی ته هه ریدی. هئچ اولماسا خالق ائله بیلیردی. یئکه بیر کیشی ایدی پاپیر. یئکه ده بیر شالوار گئیه ردی. پاپیر بیر آن سوروجویه دئدی ساخلا من دوشوره م. سوروجو ساخلادی. ماشین دان دوشدو. جیبینده ن پول چیخاریب سوروجویه ساری اوزاتدی. سوروجو پاپیرین اوزونه باخمادان اوجا سه سله دئدی: "پاپیر قالسین". پاپیر دایانمادان جاواب وئردی"کیمه قالسین؟!"

- حوکمدارین توفنگچی لری گلیرلر. آیری لیق آنلاری گلدی یئتیشدی. یاخشی یامان حالال ائله.

- هئچ قورخما عزیزیم. سن هئچ بیلیرسن حوکمدار تولکولری نیه الدوتدورور؟

- نیه کی؟

- حوکمدارین تولکو دریسینده ن یامان خوشو گلیر ائله اونون چون بیزیم دالیمزجا دیر کی بیزی اولدورسون و دریمیزده ن اوزونه آرخالیق تیکدیرسین.

- بو کی لاپ پیس دیر.

- یوخ عزیزیم. بیر تولکونون دریسینده ن آرخالیق چیخماز. ائله اونون چون دا بیر آرخالیق تیکمه گ اوچون ایکی تولکو دریسی لازیم دیر.

- بو نه دئمک دیر کی؟

- آیریلیقدان قورخما عزیزیم. بیزی اولدوره نده ن سونرا دریمیزی بیر بیرینه تیکیب حوکمدارا آرخالیق تیکه جه کلر. او آرخالیق ییرتیلانا قده ر هله بیز بیرگه یاشایاجاییق.

دیشی تولکونون گوزلری دولدو.

 توفنگین سه سی دره نی دولدوردو.