اوره ییم دمیر دی داشدی دئییرسن

دوزوره م دینمیرم درده یارایا

گونلریم آنلاریم خوشدو دئییرسن

بیر یورغون یولچویام گزدیگیم هدر

دایانیب دورموشام سن منده ن بتر

دئییرم تلسمه بو گون ده کئچر

تله سن عومور دو یاشدی دئییرسن

زولفونله رام ائت کونلومو زنجیر قیل زنجیر قیل

محراب قاشین مسجد گوزون کیپریک مصلی لر صفی

خالین موذن دیر دئنن تکبیر قیل تکبیر قیل

صوم و صلاتیندان کئچیب حوسن ایختیار ائتمیش کونول

یارب گئدیر الدن دینیم تقدیر قیل تقدیر قیل

آیات حق دیر مو به مو اول کفر زولفوندن گلن

ای شانه بیر بیر صبر ایله تفسیر قیل تفسیر قیل

قوی سینه م اولسون لوح عشق ائت تیر موژگانین قلم

کاتیب اورل قانیله گل تقریر قیل تقریر قیل

مست اولموشام کئفلنمیشم یوخ آللاهیم یوخ مذهبیم

داشلا منی چک چارمیخا تکفیر قیل تکفیر قیل

۱/۲/۱۳۸۸ تبریز